«Барселона» футболчисига Саудия Арабистонидан қизиқиш билдирилмоқда. Гап ўзи хоҳлаганидан камроқ ўйин амалиётига эга бўлаётган ярим ҳимоячи Марк Касадо ҳақида кетмоқда.
Шу билан бирга, Касадо ҳозирда ёзги трансфер ойнаси учун ҳеч қандай таклифни кўриб чиқмоқчи эмас. Айни дамда 22 ёшли футболчи бор эътиборини «Барселона»даги иштирокига қаратган.
2025/2026 йилги мавсумда Марк Касадо Испания чемпионати ва Чемпионлар лигаси доирасидаги 25 та ўйинда қатнашди. Шу билан бирга, ярим ҳимоячи фақат 11 марта асосий таркибдан жой олди. Ла Лига ва ЕЧЛнинг 14 та ўйинида эса Касадо барча 90 дақиқани захира ўриндиғида ўтказди.
Нуфузли Transfermarkt портали Марк Касадони 20 миллион еврога баҳоламоқда.
