Urush holatidagi Amerika Qo‘shma Shtatlari va uning ittifoqchilari, birinchi navbatda Isroil hamda Eron yetakchilari amerikaliklar uchun muvaffaqiyatsiz kechayotgan urushni tugatish shartlarini muhokama qilayotgan bir paytda, futbolchilar maydonda tinchlikka eltuvchi o‘z yo‘llarini qidirishmoqda.
Gresiya chempionatining 26-turidan o‘rin olgan «AYEL» va «Olimpiakos» jamoalari o‘rtasidagi bahs 0:0 hisobida yakunlanganidan so‘ng, eronlik Mexdi Taremi isroillik Goni Naor bilan libos almashdi.
E’tiborli jihati shundaki, Naor o‘yin davomida Taremini nazorat qilib, unga gol urishga tinimsiz xalaqit bergan bo‘lsa-da, bu holat uchrashuv yakunida ularning birgalikda chiroyli xulq namoyish etishlariga to‘sqinlik qila olmadi.
