Уруш ҳолатидаги Америка Қўшма Штатлари ва унинг иттифоқчилари, биринчи навбатда Исроил ҳамда Эрон етакчилари америкаликлар учун муваффақиятсиз кечаётган урушни тугатиш шартларини муҳокама қилаётган бир пайтда, футболчилар майдонда тинчликка элтувчи ўз йўлларини қидиришмоқда.

Греция чемпионатининг 26-туридан ўрин олган «АЕЛ» ва «Олимпиакос» жамоалари ўртасидаги баҳс 0:0 ҳисобида якунланганидан сўнг, эронлик Мехди Тареми исроиллик Гони Наор билан либос алмашди.

Эътиборли жиҳати шундаки, Наор ўйин давомида Таремини назорат қилиб, унга гол уришга тинимсиз халақит берган бўлса-да, бу ҳолат учрашув якунида уларнинг биргаликда чиройли хулқ намойиш этишларига тўсқинлик қила олмади.