Angliyaning «Tottenxem» klubi 26 yoshli niderlandiyalik hujumchi Kodi Gakpo bilan shartnoma imzolash imkoniyatini ko‘rib chiqmoqda. Bu haqda TEAMtalk nashri xabar bermoqda.
Manbalarning so‘zlariga ko‘ra, «Tottenxem» hujumchining xizmatlariga qiziqish bildirgan. «Liverpul» esa «Nyukasl» a’zosi Entoni Gordon uchun tarkibda joy bo‘shatish maqsadida Gakpo bilan xayrlashishga qarshi emas.
Gakpo «Liverpul» safiga «PSV» klubidan kelib qo‘shilgan edi. Joriy mavsumda niderlandiyalik futbolchi klub miqyosida 41 ta o‘yinda maydonga tushib, 8 ta gol urdi va 5 ta golli uzatmani amalga oshirdi.
