«Bavariya» 1994/95 yilgi mavsumdan beri Chempionlar Ligasining chorak finaliga chiqish soni bo‘yicha peshqadamlik qilmoqda. Bu haqda Transfermarkt portali xabar bermoqda.

Myunxenliklar jami 24 marotaba Chempionlar Ligasining chorak finaliga yo‘l olishgan — bu musobaqada ishtirok etgan barcha klublar orasidagi eng yuqori ko‘rsatkichdir.

«Bavariya»dan keyingi o‘rinlarni Ispaniya grandlari egallab turibdi: «Real Madrid» hisobida 22 ta, «Barselona»da esa 21 ta chorak final mavjud.

Boshqa hech qaysi jamoa YECHL chorak finaliga 20 dan ortiq marotaba chiqa olmagan. Kuchli uchlikdan katta farq bilan keyingi o‘rinlarda «Manchester Yunayted» (14), «Chelsi» va «Yuventus» (12 tadan) bormoqda.