«Бавария» 1994/95 йилги мавсумдан бери Чемпионлар Лигасининг чорак финалига чиқиш сони бўйича пешқадамлик қилмоқда. Бу ҳақда Transfermarkt портали хабар бермоқда.
Мюнхенликлар жами 24 маротаба Чемпионлар Лигасининг чорак финалига йўл олишган — бу мусобақада иштирок этган барча клублар орасидаги энг юқори кўрсаткичдир.
«Бавария»дан кейинги ўринларни Испания грандлари эгаллаб турибди: «Реал Мадрид» ҳисобида 22 та, «Барселона»да эса 21 та чорак финал мавжуд.
Бошқа ҳеч қайси жамоа ЕЧЛ чорак финалига 20 дан ортиқ маротаба чиқа олмаган. Кучли учликдан катта фарқ билан кейинги ўринларда «Манчестер Юнайтед» (14), «Челси» ва «Ювентус» (12 тадан) бормоқда.
