Parijda hokimiyat almashdi, shaharning yangi meri Emmanuel Greguar bo‘ldi. Yangi mer «PSJ»ning «Park de Prens» stadionini xususiy mulk sifatida sotib olishiga ancha ijobiy qaramoqda.
Klub egasi Nosir al-Xelayfiy stadionni sotib olishni anchadan beri orzu qiladi — u shaxsiy stadionga ega bo‘lish klubning dunyodagi nufuzi va taniluvchanligini oshirishda muhim qadam deb hisoblaydi.
Biroq, hozircha ayrim shartlarda muammolar mavjud — xususan, Greguar stadion nomini o‘zgartirishga qat’iyan qarshi chiqmoqda, al-Xelayfiy esa aynan shuni xohlagan edi.
Bundan tashqari, Greguar munisipal kengashda bir ovozdan qo‘llab-quvvatlanmayapti — aksincha, qarshiliklar ko‘proq. Shu bois, masala hali to‘liq hal bo‘lganicha yo‘q.
