«Bavariya» yarim himoyachisi Leon Goreska kelayotgan yozda erkin agent sifatida klubini o‘zgartiradi.

31 yoshli futbolchining muddati tugayotgan shartnomasi uzaytirilmaydi, bu haqda yil boshida rasman e’lon qilingan edi. Jurnalist Kristian Falkning ma’lumotlariga ko‘ra, «Milan» vakillari allaqachon yarim himoyachi bilan bog‘lanishgan. Nemis futbolchisini Italiyaga ko‘chib o‘tish varianti o‘ziga jalb qilmoqda.

Leon Goreska 2018 yildan beri «Bavariya»da o‘ynab kelmoqda. Joriy mavsumda u Vensan Kompani jamoasi safida barcha turnirlarda 37 ta o‘yinda ishtirok etdi va o‘z hisobiga ikkita gol hamda ikkita golli uzatmani yozdirib qo‘ydi.

«Milan» A Seriyaning 30-turidan so‘ng turnir jadvalida ikkinchi o‘rinni egallab turibdi va peshqadam «Inter»dan olti ochkoga ortda qolmoqda.