«An-Nasr» hujumchisi Krishtianu Ronaldu fevral oyi oxirida olgan jarohatidan so‘ng jadal sur’atlarda tiklanish jarayonini o‘tamoqda. 41 yoshli futbolchi mushaklaridagi muammolar sababli Portugaliya terma jamoasi ixtiyoriga yo‘l olmadi.
Al Nassr Zone nashrining Saudiya OAVlariga tayanib xabar berishicha, Ronaldu reabilitasiyani davom ettirmoqda — u maydonga imkon qadar tezroq qaytish uchun maxsus dastur asosida shug‘ullanmoqda. Biroq, futbolchining qaytish sanasi hozircha belgilanmagan. Tez orada hujumchining 3 aprel kuni bo‘lib o‘tadigan «Al-Najma»ga qarshi o‘yinda ishtirok etish imkoniyatlari qanchalik yuqori ekanligi ma’lum bo‘ladi.
Saudiya Arabistoni chempionatining joriy mavsumida Krishtianu Ronaldu 22 ta uchrashuvda 21 ta gol va 2 ta golli uzatmani amalga oshirdi.
