«Ан-Наср» ҳужумчиси Криштиану Роналду февраль ойи охирида олган жароҳатидан сўнг жадал суръатларда тикланиш жараёнини ўтамоқда. 41 ёшли футболчи мушакларидаги муаммолар сабабли Португалия терма жамоаси ихтиёрига йўл олмади.

Al Nassr Zone нашрининг Саудия ОАВларига таяниб хабар беришича, Роналду реабилитацияни давом эттирмоқда — у майдонга имкон қадар тезроқ қайтиш учун махсус дастур асосида шуғулланмоқда. Бироқ, футболчининг қайтиш санаси ҳозирча белгиланмаган. Тез орада ҳужумчининг 3 апрель куни бўлиб ўтадиган «Ал-Нажма»га қарши ўйинда иштирок этиш имкониятлари қанчалик юқори эканлиги маълум бўлади.

Саудия Арабистони чемпионатининг жорий мавсумида Криштиану Роналду 22 та учрашувда 21 та гол ва 2 та голли узатмани амалга оширди.