«Al-Ittihod»ning braziliyalik yarim himoyachisi Fabinyo «Barselona» va «PSJ» sobiq hujumchisi Neymar haqidagi fikrlari bilan o‘rtoqlashdi.

«Men Neymarni bugungi kundagi eng iqtidorli braziliyalik futbolchi deb hisoblayman. U JCH-2026 uchun kerakmi? Neymar o‘z harakatlari bilan istalgan vaqtda o‘yin taqdirini o‘zgartirib yuborishga qodir. O‘ylaymanki, u mundialda terma jamoaga juda asqotadi. Agar "Ney" o‘zining eng yaxshi formasida bo‘lsa, u braziliyaliklar ichida eng zo‘ridir», — deya xavbekning so‘zlarini keltiradi L'Equipe.

Eslatib o‘tamiz, Neymar hozirda Braziliyaning «Santos» klubi a’zosi hisoblanadi. Joriy mavsumda u jamoa safida 3 ta o‘yinda maydonga tushib, o‘z hisobiga 3 ta gol yozdirib qo‘ydi.