«Ал-Иттиҳод»нинг бразилиялик ярим ҳимоячиси Фабиньо «Барселона» ва «ПСЖ» собиқ ҳужумчиси Неймар ҳақидаги фикрлари билан ўртоқлашди.

«Мен Неймарни бугунги кундаги энг иқтидорли бразилиялик футболчи деб ҳисоблайман. У ЖЧ-2026 учун керакми? Неймар ўз ҳаракатлари билан исталган вақтда ўйин тақдирини ўзгартириб юборишга қодир. Ўйлайманки, у мундиалда терма жамоага жуда асқотади. Агар "Ней" ўзининг энг яхши формасида бўлса, у бразилияликлар ичида энг зўридир», — дея хавбекнинг сўзларини келтиради L'Equipe.

Эслатиб ўтамиз, Неймар ҳозирда Бразилиянинг «Сантос» клуби аъзоси ҳисобланади. Жорий мавсумда у жамоа сафида 3 та ўйинда майдонга тушиб, ўз ҳисобига 3 та гол ёздириб қўйди.