«Real» va Braziliya terma jamoasi vingeri Vinisius Junior Antuan Grizmannning mavsum yakunida «Atletiko»dan ketishiga munosabat bildirdi. Shu yozda fransiyalik hujumchi «Orlando Siti» klubiga borib qo‘shiladi.
«Grizmann — ajoyib o‘yinchi, u Ispaniyada va Fransiya terma jamoasida ajoyib faoliyat olib bordi. O‘ylaymanki, u MLS rivojlanishiga katta yordam beradi. Men esa faqat «Real» va bu yerda uzoq vaqt qolish haqida o‘ylayapman», — dedi Vinisius.
Payshanba kuni, 26 martda Braziliya va Fransiya terma jamoalari AQSHda o‘zaro o‘rtoqlik uchrashuvi o‘tkazishadi.













