Fransiya terma jamoasi bosh murabbiyi Didye Desham milliy jamoadagi ehtimoliy vorisi haqida berilgan savoldan norozi bo‘ldi.
«Odatda bunday masalalarga izoh bermayman. Va siz orqali javob berishni ham rejalashtirmayapman. Men o‘zim uchun haqiqatan muhim bo‘lgan ishlar bilan shug‘ullanyapman. Buni istaganingizcha talqin qilishingiz, xohlagan materiallarni tayyorlashingiz mumkin. Men bunga energiya sarflamoqchi emasman. Mening bitta maqsadim bor, uni siz bilasiz. Keyin nima bo‘lishi esa meni qiziqtirmaydi», — dedi Desham.
Avvalroq Fransiya terma jamoasining sobiq futbolchisi Zinedin Zidan Fransiya futbol federasiyasi (FFF) bilan milliy jamoada bosh murabbiy sifatida ishlash borasida og‘zaki kelishuvga erishgani xabar qilingan edi.













