Франция терма жамоаси бош мураббийи Дидье Дешам миллий жамоадаги эҳтимолий вориси ҳақида берилган саволдан норози бўлди.
«Одатда бундай масалаларга изоҳ бермайман. Ва сиз орқали жавоб беришни ҳам режалаштирмаяпман. Мен ўзим учун ҳақиқатан муҳим бўлган ишлар билан шуғулланяпман. Буни истаганингизча талқин қилишингиз, хоҳлаган материалларни тайёрлашингиз мумкин. Мен бунга энергия сарфламоқчи эмасман. Менинг битта мақсадим бор, уни сиз биласиз. Кейин нима бўлиши эса мени қизиқтирмайди», — деди Дешам.
Аввалроқ Франция терма жамоасининг собиқ футболчиси Зинедин Зидан Франция футбол федерацияси (FFF) билан миллий жамоада бош мураббий сифатида ишлаш борасида оғзаки келишувга эришгани хабар қилинган эди.













