Mashhur futbol sehrgari, braziliyalik Ronaldinyo o‘z faoliyati davomida Yevropaning Fransiya, Ispaniya va Italiya kabi ligalarida to‘p surgan bo‘lsa-da, hech qachon Angliya chempionatida o‘ynamagan.
Biroq shu yilning may oyida unda Angliya stadionida maydonga tushish imkoniyati paydo bo‘ladi. Ronaldinyoni «Sanderlend» klubi taklif qildi. Klub APL mavsumi yakunlanishi bilan o‘rtoqlik uchrashuvi tashkil etishga qaror qilgan.
Ushbu xayriya uchrashuvi 2026 yil 25 may kuni bo‘lib o‘tadi. Ronaldinyodan tashqari maydonda o‘tmishning boshqa yulduzlari — Jermeyn Defo, Jibril Sisse, braziliyalik Anderson va boshqalarni ham ko‘rish mumkin bo‘ladi.
