Italiyaning «Milan» klubi himoyachisi, ekvadorlik Pervis Estupinyan yaqin kelajakda Angliya chempionatiga yo‘l olishi mumkin. Unga Londonning «Tottenxem» klubi qiziqish bildirmoqda.
«Shporlar»ni katta ehtimol bilan italiyalik mutaxassis Roberto De Dzerbi boshqaradi va aynan u futbolchini jamoaga taklif qilish istagida. Yaqindagina Estupinyan Milan derbisida «Inter» darvozasiga muhim gol urib, jamoasiga g‘alaba keltirgan edi.
Ta’kidlash joizki, De Dzerbi avvalroq Angliyaning boshqa bir klubi — «Brayton»da Estupinyan bilan birga ishlagan. Shu sababli u futbolchining imkoniyatlari bilan yaqindan tanish va uni «Tottenxem»ni kuchaytira oladigan o‘yinchi deb hisoblaydi.
