Yarim himoyachi Enso Fernandes shu yozda «Chelsi»ni tark etishi mumkin.

Fichajes nashrining ma’lumotlariga ko‘ra, argentinalik futbolchining transferiga «Al-Ittihod» qiziqish bildirmoqda. Saudiya klubi xavbek uchun 200 million yevro to‘lashga tayyor. Enso klubning so‘nggi vaqtlardagi qiyinchiliklari sababli «ko‘klar» safini tark etishga tayyor.

Enso Fernandes 2023 yilda «Benfika»dan «Chelsi» safiga 121 million yevro evaziga o‘tgan edi. Uning London klubi bilan shartnomasi 2032 yilning 30 iyuniga qadar mo‘ljallangan. Joriy mavsumda yarim himoyachi «ko‘klar» tarkibida barcha turnirlarda 46 ta o‘yinda maydonga tushib, 12 ta gol urdi va 6 ta golli uzatmani amalga oshirdi.