Italiya terma jamoasi JCH-2026 saralashining yarim final bosqichida Shimoliy Irlandiya ustidan 2:0 hisobida g‘alaba qozondi. Uchrashuv Bergamodagi «Nyu Belans Arena» stadionida bo‘lib o‘tdi.
O‘yinning birinchi bo‘limida hisob ochilmadi. Ikkinchi bo‘limning 56-daqiqasida yarim himoyachi Sandro Tonali kuchli zarba bilan hisobni ochgan bo‘lsa, 80-daqiqada aynan uning uzatmasidan so‘ng Moyze Kin gol urib, jamoasining g‘alabasini mustahkamladi.
Endi Italiya terma jamoasi JCH-2026 yo‘llanmasi uchun kechadigan hal qiluvchi bahsda Bosniya va Gersegovina jamoasiga qarshi maydonga tushadi. Bosniyaliklar o‘z navbatida Uelsni penaltilar seriyasida mag‘lub etishdi.
JCH-2026 saralashi. Yevropa. Pley-off. Yarim final
27.03.2026 | 00:45
«Atleti Adzurri d’Italiya», Bergamo
ITALIYA — SHIMOLIY IRLANDIYA — 2:0
Gollar: Sandro Tonali 56 (1:0), Moyze Kin 80 (2:0).
Italiya: Donnarumma, Bastoni (Gatti, 63), Kalafyori, Manchini, Lokatelli, Tonali (Palestra, 83), Barella, Dimarko, Politano (Pizilli, 83), Retegi (Espozito, 63), Kin (Raspadori, 88).
Shimoliy Irlandiya: P. Charlz, Xyum, Makkonvill, Makneyr, Spenser (Magennis, 79), Devlin (Smit, 68), Gelbreyt, SH. Charlz, Prays (Marshall, 83), Devenni, Donli (Rid, 79).
Ogohlantirish: Bastoni (58).
