Italiya terma jamoasi bosh murabbiyi Jennaro Gattuzo JCH–2026 saralashining yarim final bosqichida Shimoliy Irlandiya ustidan qozonilgan g‘alabadan so‘ng o‘z fikrlarini bildirib o‘tdi.
«Gol urganimizdan so‘ng biz erkinroq harakat qila boshladik. Yaxshi o‘yin ko‘rsatdik. Ushbu natija seshanba kungi bahs oldidan bizga ishonch bag‘ishlashi kerak. Italiya terma jamoasi doimo ijobiy kayfiyatda bo‘lishi lozim. Biz g‘alaba qozonishimiz shart — boshqa choramiz yo‘q», — deya Gattuzoning so‘zlarini keltiradi UYEFA rasmiy sayti.
Pley-off bosqichining finalida Italiya terma jamoasi Bosniya va Gersegovina bilan to‘qnash keladi. Ushbu hal qiluvchi bahs 31 mart kuni bo‘lib o‘tadi.













