Madridning «Real» klubi hujumchisi Kilian Mbappe «An-Nasr»ning portugaliyalik hujumchisi Krishtianu Ronaldu haqida o‘z fikrlari bilan o‘rtoqlashdi.
«Krishtianu Ronaldu — mening kumirim. O‘tgan mavsumda «Real»da qiyinchiliklarga duch kelganimda, unga qo‘ng‘iroq qildim va u menga o‘z kuchimga bo‘lgan ishonchimni qaytarishga yordam berdi. Undan juda minnatdorman», — deya Mbappening so‘zlarini keltiradi jurnalist Fabrisio Romano.
Eslatib o‘tamiz, Ronaldu 2009 yildan 2018 yilgacha «Real» sharafini himoya qilgan. 2022 yilning oxiridan buyon portugaliyalik futbolchi Saudiya Arabistonining «An-Nasr» jamoasida to‘p surmoqda.
Mbappe «qaymoqranglilar» safiga 2024 yilning yozida kelib qo‘shilgan edi. Joriy mavsumda fransiyalik futbolchi barcha musobaqalarda 35 ta o‘yinda maydonga tushib, 38 ta gol urdi va 6 ta golli uzatmani amalga oshirdi.
