Мадриднинг «Реал» клуби ҳужумчиси Килиан Мбаппе «Ан-Наср»нинг португалиялик ҳужумчиси Криштиану Роналду ҳақида ўз фикрлари билан ўртоқлашди.
«Криштиану Роналду — менинг кумирим. Ўтган мавсумда «Реал»да қийинчиликларга дуч келганимда, унга қўнғироқ қилдим ва у менга ўз кучимга бўлган ишончимни қайтаришга ёрдам берди. Ундан жуда миннатдорман», — дея Мбаппенинг сўзларини келтиради журналист Фабрицио Романо.
Эслатиб ўтамиз, Роналду 2009 йилдан 2018 йилгача «Реал» шарафини ҳимоя қилган. 2022 йилнинг охиридан буён португалиялик футболчи Саудия Арабистонининг «Ан-Наср» жамоасида тўп сурмоқда.
Мбаппе «қаймоқранглилар» сафига 2024 йилнинг ёзида келиб қўшилган эди. Жорий мавсумда франциялик футболчи барча мусобақаларда 35 та ўйинда майдонга тушиб, 38 та гол урди ва 6 та голли узатмани амалга оширди.
