«Betis» vingeri Antoni yaqin kelajakda nimalarga erishishni orzu qilayotgani haqida gapirib berdi.
26 yoshli futbolchi hamon Braziliya terma jamoasi tarkibida Jahon chempionatiga borishdan umidvor ekanini tan oldi.
«Mening orzum — bo‘lajak Jahon chempionatida Braziliya terma jamoasi qaydnomasidan joy olish», — deya «Betis» yulduzining so‘zlarini keltiradi The Touchline nashri.
Karlo Anchelotti Antonini mart oyidagi yig‘inga taklif qilmadi. Payshanba kuni «pentakampeonlar» o‘rtoqlik uchrashuvida Fransiyadan mag‘lubiyatga uchrashdi (1:2).
Antoni milliy jamoa safida jami 16 ta o‘yin o‘tkazib, 2 ta gol urgan. Futbolchi oxirgi marta 2025 yilning iyun oyida terma jamoaga chaqirilgan bo‘lsa, uning «selesao» libosida maydonga tushgan oxirgi o‘yini 2023 yilning martiga to‘g‘ri keladi.
