«Liverpul»ning sobiq himoyachisi, hozirda televideniyeda futbol eksperti sifatida faoliyat yuritayotgan Jeymi Karrager hujumchi Muhammad Saloh joriy mavsum yakunida Yevropani tark etmaydi deb hisoblaydi.
«Uning Saudiya Arabistoniga ketishni xohlashiga ishonmayman. Saloh A Seriyaning top-klublaridan biriga o‘tishi mumkin. Menimcha, Muhammad hali ham ishtiyoqqa to‘la va Chempionlar ligasida g‘olib chiqishni istaydi. Yaqin Sharqqa yo‘l olish esa faoliyatini yakunlash bilan barobar», — deya ekspertning so‘zlarini keltiradi The Independent nashri.
Avvalroq misrlik hujumchi kelayotgan yozda «Liverpul»dan ketishi ma’lum bo‘lgan edi. Saloh 2017 yildan buyon «qizillar» sharafini himoya qilib kelmoqda.
