«Ливерпуль»нинг собиқ ҳимоячиси, ҳозирда телевидениеда футбол эксперти сифатида фаолият юритаётган Жейми Каррагер ҳужумчи Муҳаммад Салоҳ жорий мавсум якунида Европани тарк этмайди деб ҳисоблайди.
«Унинг Саудия Арабистонига кетишни хоҳлашига ишонмайман. Салоҳ А Сериянинг топ-клубларидан бирига ўтиши мумкин. Менимча, Муҳаммад ҳали ҳам иштиёққа тўла ва Чемпионлар лигасида ғолиб чиқишни истайди. Яқин Шарққа йўл олиш эса фаолиятини якунлаш билан баробар», — дея экспертнинг сўзларини келтиради The Independent нашри.
Аввалроқ мисрлик ҳужумчи келаётган ёзда «Ливерпуль»дан кетиши маълум бўлган эди. Салоҳ 2017 йилдан буён «қизиллар» шарафини ҳимоя қилиб келмоқда.
