«Inter Mayami» hujumchisi Luis Suares jamoadoshi Lionel Messining «Barselona»ga bo‘lgan munosabati haqida fikr bildirdi.

O‘tmishda urugvaylik va argentinalik futbolchilar «ko‘k-anorranglilar» safida birgalikda to‘p surishgan. Suares 2020 yilda, Messi esa bir yil o‘tib klubni tark etgan edi. Ikkala holatda ham xayrlashuv jarayoni ancha ziddiyatli kechgan.

«Leo Messi «Barselona»ning muvaffaqiyatlaridan xursand bo‘ladi — u ham klub muxlisi. Uning qaytishi va Laporta bilan yarashishi masalasiga kelsak, bu haqda uning o‘zidan so‘ragan ma’qul. Bu uning shaxsiy ishi», — deya Suaresning so‘zlarini keltiradi Barca Universal.

Messi va kataloniyaliklar prezidenti Joan Laporta o‘rtasidagi nizo haligacha o‘z yechimini topmagan. Eslatib o‘tamiz, yaqinda Laporta yana bir bor «Barselona» rahbari etib qayta saylandi.