«PSJ» vingeri Isroil terma jamoasiga qarshi kechgan o‘rtoqlik uchrashuvida dubl qayd etdi — u 36 va 54-daqiqalarda raqib darvozasini ishg‘ol qildi.
Endilikda Xvicha Kvarasxeliya hisobida Gruziya terma jamoasi safida urilgan gollar soni 22 taga yetdi. Shu tariqa, u milliy jamoaning eng yaxshi to‘purarlari ro‘yxatida Jorj Mikautadzeni (21 ta gol) ortda qoldirib, ikkinchi o‘ringa ko‘tarilib oldi.
Eslatib o‘tamiz, Gruziya terma jamoasi tarixidagi mutlaq rekord Shota Arveladzega tegishli bo‘lib, u o‘z hisobiga 26 ta gol yozdirib qo‘ygan.
