«Real Madrid» hujumchisi Kilian Mbappe hujumdagi uchta asosiy ko‘rsatkich bo‘yicha «Barselona»dagi raqibi Lamin Yamalni ortda qoldirmoqda. Bu haqda Squawka portali xabar berdi.
Fransiyalik yulduz ayni damda La Ligada darvozaga yo‘llangan zarbalar soni (111), aniq zarbalar (51) va urilgan gollar (23) bo‘yicha peshqadamlik qilmoqda. Shu bilan birga, Mbappe Ispaniya chempionatida 100 dan ortiq zarba, 50 dan ortiq aniq zarba va 20 tadan ko‘p gol muallifiga aylangan yagona futbolchi bo‘lib turibdi.
O‘z navbatida, Lamin Yamal zarbalar soni bo‘yicha ikkinchi (99), aniq zarbalar bo‘yicha to‘rtinchi (34) va gollar soni bo‘yicha uchinchi (14) o‘rinni egallab turibdi. Biroq ispaniyalik iqtidor egasi raqib jarima maydonchasiga (517) va darvozabon maydonchasiga (70) uzatilgan to‘plar soni bo‘yicha La Ligada yaqqol peshqadam hisoblanadi.
