«Реал Мадрид» ҳужумчиси Килиан Мбаппе ҳужумдаги учта асосий кўрсаткич бўйича «Барселона»даги рақиби Ламин Ямални ортда қолдирмоқда. Бу ҳақда Squawka портали хабар берди.

Франциялик юлдуз айни дамда Ла Лигада дарвозага йўлланган зарбалар сони (111), аниқ зарбалар (51) ва урилган голлар (23) бўйича пешқадамлик қилмоқда. Шу билан бирга, Мбаппе Испания чемпионатида 100 дан ортиқ зарба, 50 дан ортиқ аниқ зарба ва 20 тадан кўп гол муаллифига айланган ягона футболчи бўлиб турибди.

Ўз навбатида, Ламин Ямал зарбалар сони бўйича иккинчи (99), аниқ зарбалар бўйича тўртинчи (34) ва голлар сони бўйича учинчи (14) ўринни эгаллаб турибди. Бироқ испаниялик иқтидор эгаси рақиб жарима майдончасига (517) ва дарвозабон майдончасига (70) узатилган тўплар сони бўйича Ла Лигада яққол пешқадам ҳисобланади.