«Flamengo» futbolchisi Lukas Paketa Vinisius Juniorning klubga qaytishi haqidagi savolga javob berdi.
Paketaning o‘zi «Vest Xem»dan shu yilning yanvar oyida «qizil-qoralar» safiga qo‘shilgan edi. Ilgari ushbu yarim himoyachi Vinisius bilan birgalikda, uning faoliyati endigina boshlanayotgan vaqtlarda «Flamengo» sharafini himoya qilgan.
«Vinining qaytishimi? Biz bu haqda ko‘p gaplashdik va men unga: "Men allaqachon shu yerdaman — faqat sen qolding", dedim. Shuningdek, unga: "Qani, va’da qilgan ishimizni amalga oshirishimiz kerak", deb aytdim. Ishonchim komil, kun kelib u albatta qaytadi», — deya Paketaning so‘zlarini keltirmoqda Madrid Zone.
Vinisiusning Madridning «Real» klubi bilan amaldagi shartnomasi 2027 yilgacha mo‘ljallangan. Hujumchi 2018 yildan beri «qirollik klubi» sharafini himoya qilib kelmoqda.
