«Фламенго» футболчиси Лукас Пакета Винисиус Жуниорнинг клубга қайтиши ҳақидаги саволга жавоб берди.

Пакетанинг ўзи «Вест Хэм»дан шу йилнинг январь ойида «қизил-қоралар» сафига қўшилган эди. Илгари ушбу ярим ҳимоячи Винисиус билан биргаликда, унинг фаолияти эндигина бошланаётган вақтларда «Фламенго» шарафини ҳимоя қилган.

«Винининг қайтишими? Биз бу ҳақда кўп гаплашдик ва мен унга: "Мен аллақачон шу ердаман — фақат сен қолдинг", дедим. Шунингдек, унга: "Қани, ваъда қилган ишимизни амалга оширишимиз керак", деб айтдим. Ишончим комил, кун келиб у албатта қайтади», — дея Пакетанинг сўзларини келтирмоқда Madrid Zone.

Винисиуснинг Мадриднинг «Реал» клуби билан амалдаги шартномаси 2027 йилгача мўлжалланган. Ҳужумчи 2018 йилдан бери «қироллик клуби» шарафини ҳимоя қилиб келмоқда.