«Bavariya» darvozaboni Manuel Noyer tavallud ayyomini nishonladi. U 40 yoshni qarshi oldi.
«Bu juda ajoyib kun bo‘ldi. Vaqtimni oilam va do‘stlarim davrasida o‘tkazdim — bu yangi bobni boshlash uchun eng yaxshi yo‘ldir.
Barchaga mehrli xabarlar uchun katta rahmat, tug‘ilgan kunim bilan tabriklab juda ko‘p qutlovlar keldi!» — deb yozdi Noyer ijtimoiy tarmoqlardagi sahifasida.
«Barcha zamonlarning eng yaxshi darvozaboni», — deya postga izoh qoldirdi Frank Riberi.
«Manu, tug‘ilgan kuning bilan!» — deb yozdi Duglas Kosta izohlarda.
Avvalroq «Bavariya» klubi ham Noyerni tavallud ayyomi bilan tabriklagan edi. Germaniyalik posbonning klub bilan shartnomasi 2026 yilning iyunigacha mo‘ljallangan. Joriy mavsumda u Bundesligada 19 ta o‘yinda maydonga tushib, 17 ta gol o‘tkazib yubordi.
