«Бавария» дарвозабони Мануэль Нойер таваллуд айёмини нишонлади. У 40 ёшни қарши олди.
«Бу жуда ажойиб кун бўлди. Вақтимни оилам ва дўстларим даврасида ўтказдим — бу янги бобни бошлаш учун энг яхши йўлдир.
Барчага меҳрли хабарлар учун катта раҳмат, туғилган куним билан табриклаб жуда кўп қутловлар келди!» — деб ёзди Нойер ижтимоий тармоқлардаги саҳифасида.
«Барча замонларнинг энг яхши дарвозабони», — дея постга изоҳ қолдирди Франк Рибери.
«Ману, туғилган кунинг билан!» — деб ёзди Дуглас Коста изоҳларда.
Аввалроқ «Бавария» клуби ҳам Нойерни таваллуд айёми билан табриклаган эди. Германиялик посбоннинг клуб билан шартномаси 2026 йилнинг июнигача мўлжалланган. Жорий мавсумда у Бундеслигада 19 та ўйинда майдонга тушиб, 17 та гол ўтказиб юборди.
