Madridning «Real» klubi Fransiyaning «PSJ» jamoasining ikki yulduz futbolchisini sotib olishga qiziqish bildirmoqda. Bu haqda Sport.es jurnalistlari xabar bermoqda.

Manbaning ma’lumotlariga ko‘ra, «qirollik klubi» rahbariyati portugaliyalik yarim himoyachi Vitinya va ilgari «qaymoqranglilar» safida to‘p tepgan qanot himoyachisi Ashraf Hakimiyga ega chiqmoqchi.

Yarim himoyachining parijliklar bilan shartnomasi 2029 yilning o‘rtalarigacha mo‘ljallangan. Uning bozor qiymati 110 million yevroga baholanmoqda.

Hakimiy esa «PSJ» bilan 2029 yil iyun oyi oxirigacha shartnomaga ega. 27 yoshli marokashlik futbolchining narxi 80 million yevroni tashkil qiladi.