Мадриднинг «Реал» клуби Франциянинг «ПСЖ» жамоасининг икки юлдуз футболчисини сотиб олишга қизиқиш билдирмоқда. Бу ҳақда Sport.es журналистлари хабар бермоқда.

Манбанинг маълумотларига кўра, «қироллик клуби» раҳбарияти португалиялик ярим ҳимоячи Витинья ва илгари «қаймоқранглилар» сафида тўп тепган қанот ҳимоячиси Ашраф Ҳакимийга эга чиқмоқчи.

Ярим ҳимоячининг парижликлар билан шартномаси 2029 йилнинг ўрталаригача мўлжалланган. Унинг бозор қиймати 110 миллион еврога баҳоланмоқда.

Ҳакимий эса «ПСЖ» билан 2029 йил июнь ойи охиригача шартномага эга. 27 ёшли марокашлик футболчининг нархи 80 миллион еврони ташкил қилади.