«Manchester Siti» va Ispaniya terma jamoasi yarim himoyachisi Rodri Madridning «Real» klubi haqidagi yaqinda bergan bayonotiga izoh berdi.

«Shaharliklar» yulduzining so‘zlari «qirollik klubi»ga o‘tishga tayyor ekanligi haqidagi ochiq sha’ma sifatida qabul qilingan edi.

"Real"ga o‘tish? Odamlar so‘zlarni kontekstdan yulib olishlariga va 50 daqiqalik intervyuni o‘zlari xohlagancha talqin qilishlariga o‘rganib qolganman. Ochig‘i, men endi bunga unchalik e’tibor bermayapman", — dedi Rodri Ispaniya terma jamoasining Serbiyaga qarshi kechgan o‘rtoqlik uchrashuvidan (3:0) so‘ng jurnalistlar bilan suhbatda.

Eslatib o‘tamiz, «Real» 29 yoshli futbolchiga anchadan beri qiziqish bildirib kelayotgani aytiladi va so‘nggi vaqtlarda nufuzli manbalar ham bu ma’lumotni tasdiqlamoqda.