«Манчестер Сити» ва Испания терма жамоаси ярим ҳимоячиси Родри Мадриднинг «Реал» клуби ҳақидаги яқинда берган баёнотига изоҳ берди.
«Шаҳарликлар» юлдузининг сўзлари «қироллик клуби»га ўтишга тайёр эканлиги ҳақидаги очиқ шаъма сифатида қабул қилинган эди.
"Реал"га ўтиш? Одамлар сўзларни контекстдан юлиб олишларига ва 50 дақиқалик интервьюни ўзлари хоҳлаганча талқин қилишларига ўрганиб қолганман. Очиғи, мен энди бунга унчалик эътибор бермаяпман", — деди Родри Испания терма жамоасининг Сербияга қарши кечган ўртоқлик учрашувидан (3:0) сўнг журналистлар билан суҳбатда.
Эслатиб ўтамиз, «Реал» 29 ёшли футболчига анчадан бери қизиқиш билдириб келаётгани айтилади ва сўнгги вақтларда нуфузли манбалар ҳам бу маълумотни тасдиқламоқда.
