Angliya terma jamoasi bosh murabbiyi Tomas Tuxel Urugvay bilan o‘rtoqlik uchrashuvidagi durang (1:1) natijadan so‘ng, hujumchi Markus Reshfordni o‘yinning eng yaxshi futbolchisi deb atadi.

«Markus Reshford ayni damda o‘z faoliyatining gullagan davrida. U «Barselona»ga o‘tganidan beri mutlaqo boshqa futbolchiga aylandi. Bugun oqshom u maydondagi eng yaxshi o‘yinchi edi. «Barselona» uni o‘z safida olib qolmasligining yagona sababi — klubning moliyaviy imkoniyatlari bunga yo‘l qo‘ymasligi mumkinligidadir», — deya Tuxelning so‘zlarini keltirmoqda BeFootball.

Navbatdagi o‘rtoqlik uchrashuvida Angliya terma jamoasi seshanba kuni, 31 martda Yaponiya bilan kuch sinashadi.