«Napoli» yarim himoyachisi va Belgiya terma jamoasi sardori Kevin De Bryuyne jamoadoshi hamda vatandoshi Romelu Lukaku bilan bog‘liq vaziyatga izoh berdi.
Avvalroq OAVda «Napoli» hujumchini tarkibdan chetlatishi mumkinligi haqida xabarlar tarqalgan edi. Bunga Lukakuning terma jamoalar tanaffusi vaqtida yakka tartibda mashg‘ulot o‘tkazishga qaror qilgani va Neapol klubi ixtiyoriga qaytishdan bosh tortgani sabab bo‘lgan.
«Napoli» atrofida doimo shov-shuvlar ko‘p bo‘ladi. Bunday vaziyatlar aql bovar qilmas darajada bo‘rttirib yuboriladi. Men ikki tomon o‘rtasida aslida nima sodir bo‘lganining barcha tafsilotlarini bilmayman. Ammo Romelu uchun bu mavsum oson kechmadi. Unda bir nechta muammolar, jumladan, oxirgi jarohati bor edi. Bu hamma uchun, hatto Belgiya uchun ham yomon, chunki u bizga kerak», — deya De Bryoynening so‘zlarini keltirmoqda Il Napolista.
