«Наполи» ярим ҳимоячиси ва Бельгия терма жамоаси сардори Кевин Де Брюйне жамоадоши ҳамда ватандоши Ромелу Лукаку билан боғлиқ вазиятга изоҳ берди.
Аввалроқ ОАВда «Наполи» ҳужумчини таркибдан четлатиши мумкинлиги ҳақида хабарлар тарқалган эди. Бунга Лукакунинг терма жамоалар танаффуси вақтида якка тартибда машғулот ўтказишга қарор қилгани ва Неаполь клуби ихтиёрига қайтишдан бош тортгани сабаб бўлган.
«Наполи» атрофида доимо шов-шувлар кўп бўлади. Бундай вазиятлар ақл бовар қилмас даражада бўрттириб юборилади. Мен икки томон ўртасида аслида нима содир бўлганининг барча тафсилотларини билмайман. Аммо Ромелу учун бу мавсум осон кечмади. Унда бир нечта муаммолар, жумладан, охирги жароҳати бор эди. Бу ҳамма учун, ҳатто Бельгия учун ҳам ёмон, чунки у бизга керак», — дея Де Брёйненинг сўзларини келтирмоқда Il Napolista.
