Avvalroq «Barselona» klubi hozirda ijara asosida jamoa sharafini himoya qilayotgan Markus Reshfordga doimiy shartnoma taklif qilishga tayyorligi haqida xabar berilgan edi.

Endilikda ma’lum bo‘lishicha, «ko‘k-anorranglilar» ingliz futbolchisi uchun «Manchester Yunayted»ga o‘z hujumchisi Ferran Torresni almashtirishni taklif qilish variantini ko‘rib chiqmoqdalar. O‘z navbatida, APL klubi ham ispaniyalik futbolchini o‘z safiga qo‘shib olish imkoniyatiga qiziqish bildirmoqda. Qayd etilishicha, agar «Manchester Yunayted» ushbu kelishuvga rozi bo‘lsa, inglizlar yana ma’lum miqdorda qo‘shimcha mablag‘ ham to‘lashlari kerak bo‘ladi.

Ferran Torresning «Barselona» bilan amaldagi shartnomasi 2027 yilgacha mo‘ljallangan. Transfermarkt portali 26 yoshli futbolchini 50 million yevroga baholamoqda. Joriy mavsumda Torres 40 ta o‘yinda maydonga tushib, 16 ta gol urdi va 1 ta golli uzatmani amalga oshirdi.