Аввалроқ «Барселона» клуби ҳозирда ижара асосида жамоа шарафини ҳимоя қилаётган Маркус Рэшфордга доимий шартнома таклиф қилишга тайёрлиги ҳақида хабар берилган эди.

Эндиликда маълум бўлишича, «кўк-анорранглилар» инглиз футболчиси учун «Манчестер Юнайтед»га ўз ҳужумчиси Ферран Торресни алмаштиришни таклиф қилиш вариантини кўриб чиқмоқдалар. Ўз навбатида, АПЛ клуби ҳам испаниялик футболчини ўз сафига қўшиб олиш имкониятига қизиқиш билдирмоқда. Қайд этилишича, агар «Манчестер Юнайтед» ушбу келишувга рози бўлса, инглизлар яна маълум миқдорда қўшимча маблағ ҳам тўлашлари керак бўлади.

Ферран Торреснинг «Барселона» билан амалдаги шартномаси 2027 йилгача мўлжалланган. Transfermarkt портали 26 ёшли футболчини 50 миллион еврога баҳоламоқда. Жорий мавсумда Торрес 40 та ўйинда майдонга тушиб, 16 та гол урди ва 1 та голли узатмани амалга оширди.