Milanning «Inter» klubi markaziy himoyachisi, 38 yoshli italiyalik Franchesko Acherbi shu yilning yozida yakuniga yetadigan shartnomasini uzaytirmasligi avvalroq ma’lum bo‘lgan edi.

Xabar qilinishicha, «neradzurrilar»ning sobiq bosh murabbiyi Simone Indzagi vaziyatdan foydalanib, o‘ziga yaxshi tanish bo‘lgan tajribali himoyachini Saudiya Arabistonining «Al-Hilol» klubiga taklif qilmoqchi. Eslatib o‘tamiz, mutaxassis o‘tgan yozda ushbu jamoa boshqaruvini qo‘lga olgan edi. So‘nggi ma’lumotlarga ko‘ra, transfer bo‘yicha muzokaralar allaqachon boshlangan.

Ma’lumot uchun, Transfermarkt portali 38 yoshli futbolchini 2,5 million yevroga baholamoqda. Joriy mavsumda Acherbi milanliklar safida 21 ta o‘yinda maydonga tushib, jami 1590 daqiqa harakat qildi.