Миланнинг «Интер» клуби марказий ҳимоячиси, 38 ёшли италиялик Франческо Ачерби шу йилнинг ёзида якунига етадиган шартномасини узайтирмаслиги аввалроқ маълум бўлган эди.
Хабар қилинишича, «нерадзуррилар»нинг собиқ бош мураббийи Симоне Индзаги вазиятдан фойдаланиб, ўзига яхши таниш бўлган тажрибали ҳимоячини Саудия Арабистонининг «Ал-Ҳилол» клубига таклиф қилмоқчи. Эслатиб ўтамиз, мутахассис ўтган ёзда ушбу жамоа бошқарувини қўлга олган эди. Сўнгги маълумотларга кўра, трансфер бўйича музокаралар аллақачон бошланган.
Маълумот учун, Transfermarkt портали 38 ёшли футболчини 2,5 миллион еврога баҳоламоқда. Жорий мавсумда Ачерби миланликлар сафида 21 та ўйинда майдонга тушиб, жами 1590 дақиқа ҳаракат қилди.
