«Manchester Yunayted» bosh murabbiyi Maykl Kerrik jamoada katta hurmatga ega. Bu haqda The Athletic nashri jurnalisti Lori Uituell xabar berdi.

Manbaga ko‘ra, mutaxassis jamoada yuqori nufuzga ega va futbolchilar mashg‘ulotlar jarayonida uning ko‘rsatmalarini zudlik bilan bajaradi. Kerrikning yosh ekani ham uning pozisiyasiga ta’sir qiladi — murabbiy haligacha o‘yinning ayrim elementlarini, masalan, jarima zarbalarini, shaxsan namoyish qilib bera oladi.

Ayni paytda «Manchester Yunayted» Angliya Premyer-ligasi turnir jadvalida 55 ochko bilan uchinchi o‘rinda bormoqda. Kerrik jamoada yanvar oyidan beri ishlamoqda, u bu lavozimda Ruben Amorim o‘rnini egallagan.