«Манчестер Юнайтед» бош мураббийи Майкл Кэррик жамоада катта ҳурматга эга. Бу ҳақда The Athletic нашри журналисти Лори Уитуэлл хабар берди.
Манбага кўра, мутахассис жамоада юқори нуфузга эга ва футболчилар машғулотлар жараёнида унинг кўрсатмаларини зудлик билан бажаради. Кэррикнинг ёш экани ҳам унинг позициясига таъсир қилади — мураббий ҳалигача ўйиннинг айрим элементларини, масалан, жарима зарбаларини, шахсан намойиш қилиб бера олади.
Айни пайтда «Манчестер Юнайтед» Англия Премьер-лигаси турнир жадвалида 55 очко билан учинчи ўринда бормоқда. Кэррик жамоада январь ойидан бери ишламоқда, у бу лавозимда Рубен Аморим ўрнини эгаллаган.













