AQSHning «San-Diyego Veyv» klubi rasmiy sayti orqali hujumchi Katarina Makarioning transferini e’lon qildi.
Futbolchi Londonning «Chelsi» klubidan Amerika jamoasiga o‘tdi va ayollar futboli tarixidagi eng yirik shartnomani imzoladi. Ushbu kelishuvning umumiy qiymati 8 million dollarni tashkil qiladi. Makarioning yangi klubi bilan shartnomasi 2030 yil yakuniga qadar mo‘ljallangan.
Katarina Makario Braziliyada tug‘ilgan bo‘lib, u Braziliya va AQSH klublari tarbiyalanuvchisi hisoblanadi. Kattalar darajasida u «Lion» va «Chelsi» klublarida to‘p surgan. Shuningdek, futbolchi AQSH terma jamoasi safida ham o‘ynaydi.
«San-Diyego Veyv» ayni paytda Milliy ayollar futbol ligasi musobaqasi turnir jadvalida to‘rtinchi o‘rinda bormoqda.













