«Chelsi»ning sobiq yarim himoyachisi Villian 2020 yilda nima sababdan «Arsenal»ga o‘tishga qaror qilgani haqida so‘zlab berdi.

«Men uch yillik shartnoma olmoqchi edim, «Chelsi» esa menga faqat ikki yillik kelishuv taklif qildi, shu sababli yakunda shartnomani uzaytirmadim. Ushbu muzokaralar davomida «Arsenal» menga qiziqish bildira boshladi. Ko‘pchilik, jumladan, oila a’zolarim ham «Chelsi»dan hech qachon ketmasligim kerak bo‘lganini aytishadi», — deya Villianning so‘zlaridan iqtibos keltiradi ChelseaChronicle.

Villian «Chelsi» sharafini 2013 yildan 2020 yilgacha himoya qilgan. «Ko‘klar» tarkibida braziliyalik futbolchi ikki marta Angliya chempioni bo‘lgan, shuningdek, Angliya Kubogi, Liga Kubogi va Yevropa Ligasida g‘olib chiqqan.