Darvozabon Jeyms Trafford shu yozda «Manchester Siti»ni tark etishi mumkin.
Football Insider nashri bergan ma’lumotlarga ko‘ra, 23 yoshli golkiperni o‘z safiga qo‘shib olishga «Nyukasl» qiziqish bildirmoqda. «Qarg‘alar» joriy mavsum yakunlanganidan keyin futbolchining transferi bo‘yicha taklif berishga tayyor.
Jeyms Trafford 2025 yilda 31 million yevro evaziga «Bernli»dan «Manchester Siti»ga o‘tgan edi. Uning shartnomasi 2030 yil 30 iyungacha mo‘ljallangan. Joriy mavsumda darvozabon «shaharliklar» safida barcha turnirlarda 13 ta o‘yin o‘tkazib, o‘z darvozasidan 10 ta to‘p olib chiqdi, 6 ta uchrashuvda esa darvozasi daxlsizligini saqlab qoldi. Transfermarkt portali Traffordning qiymatini 25 million yevroga baholamoqda.
