«PSJ» va Fransiya terma jamoasi qanot hujumchisi Usmon Dembele o‘zining jismoniy holati va ruhiy holati haqida fikr bildirdi. Vinger o‘z faoliyatidagi eng yaxshi bosqichni boshdan kechirayotganini ta’kidladi.

«Menda tajriba ancha ortdi, o‘yinim darajasi esa o‘tgan mavsumga qaraganda sezilarli darajada o‘sdi. Hammasi faqat yaxshi tomonga o‘zgarmoqda: men vazminroq va mulohazaliroq bo‘lib qoldim», — deya Dembelening so‘zlarini keltiradi Fox Deportes.

Joriy mavsumda 28 yoshli futbolchi 29 ta uchrashuvda ishtirok etib, o‘z hisobiga 12 ta gol va 8 ta golli uzatmani yozdirib qo‘ydi.

Fransiya chempionatining 26 turidan so‘ng parijliklar 60 ochko jamg‘argan holda turnir jadvalida birinchi o‘rinni egallab turibdi.